კონფიდენციალურობის პოლიტიკა

1. ვინ ვართ

Workdin (შემდგომში „პლატფორმა“, „ჩვენ“) არის ადამიანური რესურსების მართვის ონლაინ-სერვისი. მონაცემთა დაცვის ნებისმიერ საკითხზე დაგვიკავშირდით: info@workdin.ge. სერვისის მომწოდებელი იურიდიული პირი: [დასახელება], ს/კ [საიდენტიფიკაციო კოდი], მისამართი: [იურიდიული მისამართი].

2. ჩვენი ორმაგი როლი - პასუხისმგებელი პირი და უფლებამოსილი პირი

ეს განსხვავება მთავარია იმის გასაგებად, ვის რა ევალება. ერთსა და იმავე პლატფორმაზე ჩვენ ორ სხვადასხვა როლს ვასრულებთ:

• დამუშავებაზე უფლებამოსილი პირი (processor) - თანამშრომლების HR მონაცემებთან მიმართებით. ამ მონაცემებს ორგანიზაცია-დამკვეთი ათავსებს პლატფორმაზე; სწორედ ის არის დამუშავებისთვის პასუხისმგებელი პირი (controller), განსაზღვრავს დამუშავების მიზნებსა და საშუალებებს, ჩვენ კი ვამუშავებთ მხოლოდ მისი დავალებით. თუ თქვენ დამსაქმებლის მეშვეობით სარგებლობთ პლატფორმით, თქვენს მონაცემებზე პასუხისმგებელი უპირველესად თქვენი დამსაქმებელია.
• დამუშავებისთვის პასუხისმგებელი პირი (controller) - ჩვენივე მიზნებისთვის დამუშავებულ მონაცემებთან მიმართებით: ვებგვერდის ვიზიტორები, დემოს მოთხოვნები, საკონტაქტო კომუნიკაცია, ანგარიშფაქტურები და სერვისის ტექნიკური ჟურნალები.

3. HR მონაცემები, რომლებსაც დამკვეთის დავალებით ვამუშავებთ

პლატფორმის ფუნქციონალიდან გამომდინარე, ორგანიზაციამ შესაძლოა შემდეგი კატეგორიის მონაცემები განათავსოს:

• საიდენტიფიკაციო: სახელი, გვარი, პირადი ნომერი, დაბადების თარიღი, სქესი, ფოტოსურათი, თანამშრომლის ნომერი;
• საკონტაქტო: სამსახურებრივი და პირადი ელ.ფოსტა, ტელეფონის ნომრები, იურიდიული და ფაქტობრივი მისამართი, საგანგებო კონტაქტი;
• შრომითი: პოზიცია, დეპარტამენტი, ხელმძღვანელი, დასაქმების თარიღი, ხელშეკრულების ტიპი და ვადა, გამოსაცდელი ვადა, სტატუსი, შეწყვეტის თარიღი და საფუძველი;
• ანაზღაურება და ხელფასი: სახელფასო განაკვეთი, დარიცხვები, საშემოსავლო გადასახადი და საპენსიო შენატანი, საბანკო ანგარიშის ნომერი;
• სამუშაო დროისა და დასწრების: ტაბელი, სამუშაო საათები, დაგვიანებები, შვებულებები და მათი ტიპები, დასწრების ჩანაწერები;
• დოკუმენტები: შრომითი ხელშეკრულებები, ცნობები, სერტიფიკატები, ონბორდინგის ფაილები და ორგანიზაციის მიერ ატვირთული სხვა დოკუმენტები;
• შეფასება და დისციპლინა: შეფასებები, უკუკავშირი, დისციპლინური საქმეები და საჩივრები;
• სისტემური: ანგარიშის მონაცემები, როლი, ბოლო შესვლის დრო, ინტერფეისის ენა და თემა, შეტყობინებების პარამეტრები, აუდიტის ჩანაწერები.

4. მონაცემები, რომლებსაც საკუთარი მიზნებისთვის ვამუშავებთ

როცა თავად ვმოქმედებთ პასუხისმგებელ პირად, ვამუშავებთ მხოლოდ შემდეგს:

• დემოს მოთხოვნა და საკონტაქტო ფორმა: სახელი, კომპანია, პოზიცია, ელ.ფოსტა, ტელეფონი, თანამშრომელთა სავარაუდო რაოდენობა, ასევე - საიდან მოხვედით საიტზე, მხოლოდ კატეგორიით (მაგ. Facebook, ძიება, პირდაპირ) და ჩვენივე კამპანიის სახელით, სრული ბმულის გარეშე;
• ანგარიშისა და ბილინგის მონაცემები: ორგანიზაციის სახელი, ადმინისტრატორის საკონტაქტო ინფორმაცია, სატარიფო გეგმა;
• ტექნიკური ჟურნალები: IP-მისამართი, ბრაუზერისა და მოწყობილობის ტიპი, მოთხოვნის დრო, შეცდომების ანგარიშები - უსაფრთხოებისა და ხარვეზების აღმოსაფხვრელად;
• გამოყენების სტატისტიკა: ვიზიტების აღრიცხვა აგრეგირებული სახით, სერვისის მდგრადობისა და გაუმჯობესებისთვის.

5. განსაკუთრებული კატეგორიის მონაცემები

პლატფორმაზე შეიძლება განთავსდეს ჯანმრთელობასთან დაკავშირებული ინფორმაცია, მაგალითად საავადმყოფო ფურცელი. დისციპლინური ჩანაწერიც შეიძლება შეიცავდეს განსაკუთრებული კატეგორიის მონაცემებს, მისი შინაარსის მიხედვით. ორგანიზაცია პასუხისმგებელია შესაბამის სამართლებრივ საფუძველსა და საჭირო მოცულობაზე. მობილური აპის სურვილისამებრ ბიომეტრიულ განბლოკვას მოწყობილობის ოპერაციული სისტემა ასრულებს: Workdin არ იღებს და არ ინახავს თითის ანაბეჭდის ან სახის ბიომეტრიულ შაბლონს; აპი იღებს მხოლოდ განბლოკვის შედეგს. პლატფორმა ვიდეომონიტორინგს არ ახორციელებს.

6. დამუშავების მიზნები და სამართლებრივი საფუძვლები

თითოეულ დამუშავებას აქვს კონკრეტული მიზანი და საფუძველი:

• სერვისის მიწოდება ორგანიზაციისთვის - ხელშეკრულების შესრულება ორგანიზაციასთან; HR მონაცემებთან მიმართებით - ორგანიზაციის დოკუმენტირებული დავალება;
• ანგარიშის შექმნა, ავთენტიფიკაცია და წვდომის მართვა - ხელშეკრულების შესრულება;
• უსაფრთხოება, თაღლითობის პრევენცია, აუდიტის ჟურნალის წარმოება - ჩვენი და დამკვეთის კანონიერი ინტერესი;
• ტექნიკური მხარდაჭერა და შეცდომების აღმოფხვრა - ხელშეკრულების შესრულება და კანონიერი ინტერესი;
• დემოს მოთხოვნაზე პასუხი და კომუნიკაცია - მონაცემთა სუბიექტის მოთხოვნით განხორციელებული ქმედება;
• საინფორმაციო ან მარკეტინგული შეტყობინებები - თანხმობა, რომლის გამოხმობაც ნებისმიერ დროს შეგიძლიათ;
• საბუღალტრო და საკანონმდებლო ვალდებულებების შესრულება - კანონით დაკისრებული მოვალეობა.

7. მონაცემთა წყარო

HR მონაცემების უმეტესობას ვიღებთ თქვენი დამსაქმებლისგან - ორგანიზაციის ადმინისტრატორისა და მენეჯერებისგან - ან უშუალოდ თქვენგან, როცა თავად ავსებთ პროფილს, ითხოვთ შვებულებას ან ტვირთავთ დოკუმენტს. ვებგვერდზე შევსებული ფორმების მონაცემებს პირდაპირ თქვენგან ვიღებთ.

8. ვის ვუზიარებთ მონაცემებს

ჩვენ არ ვყიდით პერსონალურ მონაცემებს და არ ვუზიარებთ მათ სარეკლამო მიზნით. წვდომა მკაცრად შეზღუდულია:

• თქვენივე ორგანიზაციის შიგნით - მხოლოდ იმ პირებს, რომელთა როლიც ამას მოითხოვს (ადმინისტრატორი, თქვენი უშუალო ხელმძღვანელი);
• ინფრასტრუქტურულ პროვაიდერებს - მხოლოდ სერვისის ფუნქციონირებისთვის საჭირო მოცულობით (იხ. მე-9 პუნქტი);
• უფლებამოსილ სახელმწიფო ორგანოებს - მხოლოდ კანონით გათვალისწინებულ შემთხვევებში და ფარგლებში;
• Workdin-ის მხარდაჭერის თანამშრომლებს - ორგანიზაციის HR სივრცეზე წვდომა ეძლევათ ადმინისტრატორის თანხმობით, მიზეზისა და დონის მითითებით (მხოლოდ ნახვა, რედაქტირება ან ანგარიშების მართვა). წვდომა პირველი შესვლიდან ერთი საათით მოქმედებს; ადმინისტრატორს შეუძლია ადრე გაუქმება. მოთხოვნა, გადაწყვეტილება, შესვლა და გასვლა აუდიტის ჟურნალში აღირიცხება. ეს კონტროლი მოქმედებს აპლიკაციის მხარდაჭერის სესიებსა და შესაბამისი მომხმარებლის უფლებებით მონაცემებზე წვდომაზე; პრივილეგირებული ინფრასტრუქტურული წვდომა ცალკეა აღწერილი ქვემოთ;
• სერვისის მართვისთვის Workdin-ის თანამშრომლები თანხმობის გარეშე ხედავენ მხოლოდ პლატფორმის დონის მონაცემებს: ორგანიზაციის ანგარიშსა და ბილინგს, გაგზავნილი ელფოსტების ჟურნალს (ადრესატი და თემა) და უსაფრთხოების აუდიტის ჟურნალს (ვინ, როდის და რა ქმედება შეასრულა);
• გარდა ამისა, პლატფორმის მფლობელს აქვს ტექნიკური წვდომა ჰოსტინგისა და მონაცემთა ბაზის პროვაიდერის მართვის პანელზე. ეს წვდომა გამოიყენება მხოლოდ ინფრასტრუქტურის მოვლისთვის - სარეზერვო ასლები, ინციდენტებზე რეაგირება, ტექნიკური მომსახურება - კონფიდენციალურობის ვალდებულების პირობებში.

9. ქვე-უფლებამოსილი პირები

სერვისის მიწოდებისთვის ვიყენებთ შემდეგი კატეგორიის პროვაიდერებს. კონკრეტული პროვაიდერებისა და მათი დანიშნულებების შესახებ სრული ინფორმაციის მისაღებად მოგვწერეთ info@workdin.ge-ზე. ორგანიზაციასთან მონაცემთა დამუშავების პირობები განისაზღვრება შესაბამისი წერილობითი შეთანხმებით:

• მონაცემთა ბაზის, ავთენტიფიკაციისა და ფაილების შენახვის მომსახურება;
• აპლიკაციის ჰოსტინგი და კონტენტის მიწოდება;
• სატრანზაქციო ელფოსტის გაგზავნა;
• შეცდომების მონიტორინგი და დიაგნოსტიკა;
• საჯარო ვებგვერდის ვიზიტებისა და მოქმედებების ანალიტიკა;
• მობილური push-შეტყობინებების მიწოდება.

10. ტრანსსასაზღვრო გადაცემა

მომსახურების პროვაიდერებმა მონაცემები შეიძლება დაამუშაონ საქართველოს ფარგლებს გარეთ. მონაცემთა ბაზისა და საცავის რეგიონი, ჰოსტინგი და ელფოსტის, მონიტორინგის, ანალიტიკისა და push-მიწოდების დამუშავების ადგილები ერთმანეთისგან უნდა გაიმიჯნოს; ყველა მონაცემზე ერთიანი ადგილმდებარეობის დაპირება არ ვრცელდება. კონკრეტული ადგილები, მიმღებები და გადაცემის შესაბამისი გარანტიები განისაზღვრება ორგანიზაციასთან მონაცემთა დამუშავების შეთანხმებაში; ინფორმაცია შეგიძლიათ მოითხოვოთ info@workdin.ge-ზე. გადაცემა უნდა აკმაყოფილებდეს საქართველოს კანონმდებლობის მოთხოვნებს.

11. შენახვის ვადები

მონაცემებს ვინახავთ მხოლოდ იმდენ ხანს, რამდენიც მიზნის მისაღწევადაა საჭირო:

• HR მონაცემები - ორგანიზაციასთან ხელშეკრულების მოქმედების პერიოდში. სტანდარტული დახურვის წესი ითვალისწინებს 30 დღეს მონაცემების ექსპორტის მოსათხოვად და მომდევნო 60 დღეს წაშლის დასასრულებლად, გარდა ქვემოთ აღწერილი შენახვის გამონაკლისებისა. წაშლას ასრულებს უფლებამოსილი ადმინისტრატორი; ვადის გასვლა თავისთავად ავტომატურ წაშლას არ ნიშნავს. დახურვისა და გადმოცემის მოთხოვნა გამოგზავნეთ info@workdin.ge-ზე. სარეზერვო ასლების წაშლის ვადა დამოკიდებულია შესაბამისი პროვაიდერის როტაციის წესზე და ზუსტდება შეთანხმებაში;
• თანამშრომლის ინდივიდუალური მონაცემები - ორგანიზაციის მიერ განსაზღვრული ვადით; წაშლის მოთხოვნა უპირველესად დამსაქმებელს უნდა მიმართოთ;
• აუდიტის ჟურნალი და უსაფრთხოების ჩანაწერები - 12 თვე;
• ელექტრონულად ხელმოწერილი დოკუმენტები და მათი მტკიცებულება (ვინ და როდის მოაწერა ხელი, კოდით დადასტურების ფაქტი, IP მისამართი და მოწყობილობა) და თანამშრომლის თანხმობა ელექტრონულ ხელმოწერაზე - ცნობა ხელმოწერიდან 3 წელი; ხელშეკრულება - რომელიც უფრო გვიანია: ხელმოწერის წლის ბოლოდან 6 წელი (ბუღალტრული აღრიცხვისა და საგადასახადო დოკუმენტების ვადა) ან შრომითი ურთიერთობის დასრულებიდან 3 წელი. ორგანიზაციის დავალებით ისინი ინახება ორგანიზაციასთან ხელშეკრულების შეწყვეტის შემდეგაც, მხოლოდ შესანახად და გადასაცემად; დახურვისას ორგანიზაცია მათ ასლს იღებს, ხოლო დავის შემთხვევაში, ორგანიზაციის მოთხოვნით, ისინი დავის დასრულებამდე ინახება;
• უფასო საცდელის მონაცემები - საცდელის დასრულების შემდეგ ექსპორტის მოთხოვნისთვის გათვალისწინებულია 30 დღე. ამის შემდეგ უფლებამოსილ ადმინისტრატორს შეუძლია გაუქმებული საცდელის მონაცემების, ფაილებისა და ანგარიშების წაშლა; დახურვის სტანდარტული ვადა მომდევნო 60 დღეა. ეს არ შლის ცალკე შენახვას დაქვემდებარებულ ხელმოწერილ დოკუმენტებსა და მტკიცებულებებს ან კანონით შესანახ ჩანაწერებს;
• დემოსა და საცდელის მოთხოვნები - დახურული მოთხოვნა (მომხმარებლად გარდაქმნილი ან უარყოფილი) იშლება შექმნიდან 24 თვის გასვლის შემდეგ, გასუფთავების პროცესისას. ვადა არ ითვლება ბოლო კონტაქტიდან. ღია მოთხოვნები ინახება მათი განხილვის დასრულებამდე და ამ ავტომატურ გასუფთავებაში არ შედის; მიმდინარე საჭიროებისა და წაშლის მოთხოვნის შესაფასებლად მოგვწერეთ info@workdin.ge-ზე. სხვა საკონტაქტო მიმოწერა ინახება მისი მიზნისა და შესაბამისი ვალდებულებების საჭირო ვადით;
• საბუღალტრო დოკუმენტაცია - კანონმდებლობით დადგენილი ვადით.

12. ქუქიები

HR ვებაპლიკაცია იყენებს ფუნქციურ ქუქიებს. საჯარო ვებგვერდზე, ანალიტიკის ჩართვის შემთხვევაში, გამოიყენება Google Analytics; Google Signals და რეკლამის პერსონალიზაციის სიგნალები ჩვენს ინტეგრაციაში გამორთულია. ანალიტიკის ქუქიები მხოლოდ თქვენი წინასწარი თანხმობით ირთვება - სანამ საჯარო გვერდზე გამოჩენილ ბანერზე თანხმობას არ დააფიქსირებთ, Google Analytics არ იტვირთება და არცერთი ანალიტიკის ქუქი არ იწერება. თანხმობის გაუქმება ნებისმიერ დროს შეგიძლიათ footer-ის ბმულიდან „ქუქიების პარამეტრები“; გაუქმებისას უკვე ჩაწერილი ანალიტიკის ქუქიები იშლება. თქვენი პასუხი ინახება ცალკე აუცილებელ ქუქიში (wd_cookie_consent) 6 თვის განმავლობაში. ქუქიების მართვა ასევე შეგიძლიათ ბრაუზერის პარამეტრებიდან; აუცილებელი ქუქიების დაბლოკვამ შეიძლება შესვლა შეაფერხოს:

• ავთენტიფიკაციის ქუქიები - სესიის შესანარჩუნებლად; მათ გარეშე სისტემაში შესვლა შეუძლებელია;
• ენის პარამეტრი (hr_lang) - ირჩევს ინტერფეისის ენას ქართულსა და ინგლისურს შორის;
• ინტერფეისის პარამეტრები - თემა და მსგავსი პირადი მორგება.
• ქუქიების თანხმობის ჩანაწერი (wd_cookie_consent) - ინახავს თქვენს პასუხს, რომ ბანერი ყოველ გვერდზე არ გამოჩნდეს; აუცილებელი ქუქია.
• ანალიტიკის ქუქიები (_ga და _ga_*) - საჯარო გვერდების ვიზიტებისა და ისეთი მოქმედებების აღრიცხვა, როგორიცაა დემოს მოთხოვნა. ვაგზავნით საჯარო გვერდის მისამართსა და მოქმედების ტიპს, ფორმის შიგთავსის, თანამშრომელთა ჩანაწერებისა და URL-ის დამატებითი პარამეტრების გარეშე. Google Analytics ასევე ამუშავებს ბრაუზერის, მოწყობილობისა და სესიის სტანდარტულ ინფორმაციას.
• ბრაუზერის სესიის მეხსიერება (sessionStorage, ქუქი არ არის) - ინახავს, საიდან გაიხსნა ჩანართი (კატეგორია და ჩვენი კამპანიის სახელი), რომ დემოს მოთხოვნას დაერთოს; ჩანართის დახურვისას იშლება. ბლოგის სტატიის ნახვებს ვითვლით ანონიმურად - მხოლოდ რიცხვი დღისა და წყაროს კატეგორიის მიხედვით, IP-მისამართისა და იდენტიფიკატორის გარეშე.

13. მონაცემთა უსაფრთხოება

თითოეული ორგანიზაციის მონაცემი იზოლირებულია მონაცემთა ბაზის დონეზე (Row-Level Security), კავშირი დაშიფრულია TLS/HTTPS-ით, წვდომა როლებზეა დაფუძნებული, სისტემა კი აღრიცხავს მნიშვნელოვან ქმედებებს. ტექნიკური ზომების დეტალური აღწერა იხილეთ გვერდზე „ინფორმაციული უსაფრთხოება“.

14. ინციდენტზე რეაგირება

პერსონალურ მონაცემებთან დაკავშირებული ინციდენტის აღმოჩენისას შესაბამის ორგანიზაციას დაუყოვნებლივ ვატყობინებთ, რათა მან შეაფასოს და შეასრულოს კანონით დადგენილი შეტყობინების ვალდებულებები. კანონით გათვალისწინებულ შემთხვევაში დამუშავებისთვის პასუხისმგებელმა პირმა სახელმწიფო აუდიტის სამსახურს უნდა შეატყობინოს ინციდენტის აღმოჩენიდან არაუგვიანეს 72 საათისა. როდესაც Workdin თავად მოქმედებს პასუხისმგებელ პირად, ამ ვალდებულებას თავად ასრულებს.

15. თქვენი უფლებები

როგორც მონაცემთა სუბიექტს, საქართველოს კანონმდებლობით გაქვთ უფლება:

• მიიღოთ ინფორმაცია იმის შესახებ, მუშავდება თუ არა თქვენი მონაცემები, რა მიზნით და ვის გადაეცემა;
• გაეცნოთ თქვენს შესახებ არსებულ მონაცემებს და მიიღოთ მათი ასლი;
• მოითხოვოთ არასწორი, არასრული ან მოძველებული მონაცემის შესწორება, განახლება ან დამატება;
• მოითხოვოთ დამუშავების შეწყვეტა, მონაცემთა წაშლა ან განადგურება, თუ დამუშავება კანონს ეწინააღმდეგება ან მიზანი ამოწურულია;
• მოითხოვოთ დამუშავების ბლოკირება კანონით დადგენილ შემთხვევებში;
• მიიღოთ თქვენი მონაცემები სტრუქტურირებული, მანქანურად წაკითხვადი ფორმატით (პორტაბელურობა);
• ნებისმიერ დროს გამოიხმოთ თანხმობა, თუ დამუშავება მას ეფუძნება;
• არ დაექვემდებაროთ მხოლოდ ავტომატიზებულ დამუშავებაზე დაფუძნებულ გადაწყვეტილებას.

16. როგორ გამოიყენოთ უფლებები

თუ პლატფორმით დამსაქმებლის მეშვეობით სარგებლობთ, მოთხოვნით პირველ რიგში მიმართეთ თქვენს ორგანიზაციას - მისი გადაწყვეტილება სჭირდება. თუ პირდაპირ ჩვენ მოგვმართავთ, მოთხოვნას გადავამისამართებთ შესაბამის ორგანიზაციაზე და ვუწევთ მას ტექნიკურ დახმარებას. საკუთარი მიზნებისთვის დამუშავებულ მონაცემებზე მოთხოვნა პირდაპირ მოგვწერეთ მისამართზე info@workdin.ge - პასუხს კანონით დადგენილ ვადაში მიიღებთ.

17. ავტომატიზებული გადაწყვეტილებები

პლატფორმა არ იღებს თქვენს შესახებ სამართლებრივი შედეგის მქონე გადაწყვეტილებას მხოლოდ ავტომატიზებული დამუშავების საფუძველზე და არ ახორციელებს პროფაილინგს. ანალიტიკური ჩვენებები (მაგალითად, დასწრების ან ანაზღაურების სტატისტიკა) მხოლოდ საინფორმაციო ხასიათისაა - გადაწყვეტილებას ადამიანი იღებს.

18. პირდაპირი მარკეტინგი

მარკეტინგულ შეტყობინებებს ვაგზავნით მხოლოდ თანხმობის საფუძველზე. თითოეული ასეთი წერილი შეიცავს გამოწერიდან გასვლის ბმულს, ხოლო თანხმობის გამოხმობა ნებისმიერ დროს, უსასყიდლოდ და დაბრკოლების გარეშე შეგიძლიათ. სერვისის ფუნქციონირებასთან დაკავშირებული სატრანზაქციო შეტყობინებები (მაგალითად, შვებულების დამტკიცება ან პაროლის აღდგენა) მარკეტინგს არ განეკუთვნება.

19. არასრულწლოვნები

პლატფორმა განკუთვნილია შრომითი ურთიერთობის კონტექსტში გამოსაყენებლად და არ არის მიმართული 16 წლამდე პირებისადმი. ჩვენ შეგნებულად არ ვაგროვებთ არასრულწლოვნის მონაცემებს ორგანიზაციის მიერ განთავსებული შრომითი ჩანაწერების გარეთ.

20. საჩივრის უფლება

თუ მიგაჩნიათ, რომ თქვენი მონაცემები კანონის დარღვევით მუშავდება, შეგიძლიათ მიმართოთ სახელმწიფო აუდიტის სამსახურს (sao.ge) ან სასამართლოს. სახელმწიფო აუდიტის სამსახური 2026 წლის 2 მარტიდან პერსონალურ მონაცემთა დაცვის სამსახურის უფლებამონაცვლეა. შეგიძლიათ მოგვწეროთ info@workdin.ge-ზეც; ჩვენთან წინასწარ დაკავშირება საჩივრის წარდგენის წინაპირობა არ არის.

21. პოლიტიკის ცვლილება

პოლიტიკა შესაძლოა პერიოდულად განახლდეს. არსებითი ცვლილების შესახებ წინასწარ შეგატყობინებთ ელ.ფოსტით ან პლატფორმაზე განთავსებული შეტყობინებით. მოქმედი რედაქციის თარიღი ყოველთვის მითითებულია გვერდის დასაწყისში.

22. კონტაქტი

მონაცემთა დაცვასთან დაკავშირებულ საკითხებზე: info@workdin.ge. ორგანიზაციის სახელით HR მონაცემების დამუშავებამდე მხარეებს შორის უნდა არსებობდეს წერილობითი შეთანხმება - DPA ან ძირითადი ხელშეკრულების შესაბამისი პირობები. შეთანხმების მომზადებისა და პროვაიდერების შესახებ ინფორმაციისთვის მოგვწერეთ.

23. მობილური აპი და მოწყობილობის ნებართვები

მობილური აპი იყენებს იმავე ანგარიშსა და სერვერის წვდომის წესებს. დამატებით:

• Push-შეტყობინებებისთვის, ნებართვის მიღების შემდეგ, ვამუშავებთ Expo push-ტოკენს, მოწყობილობის პლატფორმას, აპის ვერსიასა და ანგარიშთან კავშირს. მიწოდებისთვის იგზავნება შეტყობინების სათაური, ტექსტი და ტექნიკური მონაცემები. მოწყობილობის პარამეტრებიდან შეგიძლიათ გამორთოთ შეტყობინებები ან დამალოთ მათი შიგთავსი ჩაკეტილ ეკრანზე;
• კამერა, ფოტოები და ფაილები გამოიყენება მხოლოდ თქვენს მიერ არჩეული ატვირთვის ან ფოტოს გადაღების მოქმედებისთვის, შესაბამისი სისტემური ნებართვით. ნებართვების მართვა შეგიძლიათ მოწყობილობის პარამეტრებიდან;
• სესიის ტოკენები და ზოგი მონაცემის ადგილობრივი ასლი ნატიურ აპში ინახება დაცული საცავის საშუალებით. ქეში ანგარიშისა და ორგანიზაციის მიხედვითაა გამიჯნული; შვიდ დღეზე ძველი ასლი აღარ გამოიყენება აქტუალურ მონაცემად. ეს არ ნიშნავს ყველა ასლის ავტომატურ წაშლას ზუსტად მეშვიდე დღეს;
• ბიომეტრიული განბლოკვა არჩევითია და მოწყობილობაზე სრულდება, როგორც მე-5 პუნქტშია აღწერილი. დასწრების ქსელური შეზღუდვა, როცა ორგანიზაციას ჩართული აქვს, მოწმდება მოთხოვნის IP-მისამართით; ეს ფუნქცია GPS მდებარეობის მოთხოვნას არ საჭიროებს.